Zeedel 2025

Vogese Rueche 2025 „Wokeness“ und anderi Intryyge – Aber dr Winnetou muess blyybe! _________________________________________________

Jètz steen mir doo ùff unsrem Waage,

Und froogen ys: „Was daarf me denn no sage?“

Dänggsch däre Frau mit em roote Schopf,

Schigg y jètz e Moorekopf,

Denn isch das laider lätz.

Richtig wär in politisch korräggte Sätz:

Däm Mensch mit dr roote Määne,

Wo am Stroosserand dèèrt ääne,

Wartet ùff die nätte Gaabe,

Vo de Elsässer Buure ùff em grosse Waage,

Wurd ych ganz ooni Bedängge,

Wenn sys au meechti e Schoggi iberzoogenigs Schyymli in goldiger Foolie schängge.

Die maischte wurde däm Schoggikuss zwòòr sage,

Doch wägem Sexismuss duets das au nimmi verdraage.

S isch scho haiggel wenn Sie im ne Waggis ùmmefùùrze wänn,

Will Sie sich d Elsässerkultur aagaignet hänn.

Vom Indianer das waiss e jede,

Mien mir gar nit aafoo rede…

Do duet me grad mèèreri Griind finde,

Zem dy an Marterpfaal denn z binde.

Sinn die Fäädere vom Häuptling syner Huube,

Nochhaltig vo doote Duube,

Isch d Schminggi fair produziert und dermatologisch teschtet,

Ooni Chemie wo d Luft verpeschtet?

Au do isch denn die kulturelli Aaignig wieder im Vordergrund,

Isch denn gòpferdèggel die Menschhait no gsund?

Die „z’Guetmensche“ hänn mir ùff dr Latte,

Im Ärnscht: „schysset uns doch ind Kappe“,

Wenn mir wänn Indaner sy,

Denn sinn mir das und sinn mit Stolz derby,

Mir lèèn ys d Schnurre nit verbiete,

Egal wie fescht ihr dien wiete,

Mit däre Spròòchzensuur,

Hilfsch weder dr Menschhait no dr Natur,

Wältfriede und s Ändi vo dr Hungersnot wär dr Hit,

Doch mit dr Spròòchzensur lèèsischs nit!

Drumm machet d Auge ùff und dien verwache,

Dien wieder normal und nimm so „nit-ganz-bache“,

Und egge mir mit däm Zèèdel aa,

Spiele mir fir dich gärn dr Schwaarzi-Maa,

Hytt kasch jo sowysoo nyt mache egal was es isch,

Ooni ass fir ain dr Näger bisch!

 

R.m.ö

vogeserueche.ch