Zeedel

2022 hett dr Röne mit ö s erschtimool e Waagezeedel fir sy Waageglygge gschriebe. Zwar hett er dänggt ass eh niemer die Zeedel wett und s uusegschmissnigs Gäld isch do nohnem Umzug bestimmt die ganzi Route mit de Zeedel zueklaischteret isch, hett sich denn aber des besseren belehre miesse.

Waagezeedel sinn schyynbar e gfrogti Sach. Sythär schrybt er fir sy Waage jeedes Joor ain. 2023 isch denn no dr Zeedel fir d Vogese Rueche und d Rhy-Pirate derzuekoo und 2024 no dr Zeedel vo dr Rhyserva Alti Garde.

Au im Rädäbäng (dasch dr Basler Fasnachtsfiehrer fir die wos nit wisse) kaasch dr aint oder ander Ytraag vom Röne mit ö lääse.