Zeedel 2022

die verruggte Rhy-Waggis 2015

"Mir fusionierä"

S isch gsy vor rund zwai Joor,

Do hetts in dr Schwiz ghaisse s gäb e grossi Gfoor,

Ä Kääfer kunnt uff ys zue in grosse Schritt,

Glaubt hänn mir das aber nit.

Corona do Corona deert,

Sunst hesch nyt me anders gheert.

Noch rund eme Joor mit dem Saich,

Hett ain ganz birrewaich,

In dr Fränkegarasch unde,

E Fasnachtswaage aazunde.

Zerscht kai Fasnacht kenne mache,

Und denn passiere sottigi Sache,

Jänu jetzt ischs halt so,

Doch wo e Dyrli zue goht duet e anders uff goh,

Kurzerhand klopft ain ah,

Er haig e supper Idee gratt gha,

Mit zwai Lyt uffem Waage s isch nit zem lache,

Rendierts nit zem Fasnacht mache,

Drum froogi aifach so wänn mirs nit probiere, 

Und zämme fusioniere?

Gesagt getan uff scheeni Stunde hänn mir gschwore,

Die verruggte Rhy-Waggis sin gebore.

E wyteri Fasnachtspause,

Trybt ys ze e huffe Flause,

No hänn mir doch, sy nit ganz bache,

Im Septämber 2 Daag kenne Fasnacht mache,

Nur s Komitee findets nit dr Hit,

Dr Obmaa sait: mir mache nit mit,

Im allgemaine isch s e Schnapsidee,

Griessli s Fasnachtskomitee.

Jänu was witt? Isch s hald eso,

Mit so Saich wänn mir ys nit no ummeschloh.

Drum fusioniere mir s isch dr Hit,

Mit allne - nur zem FAKO wänn mir nit!