s'Schotte-Röggli

s'Schotte-Röggli isch d Vorfasnachtsveraastaltig wo dr Röne mit ö zem 5. Geburtsdaag vo sym damalige Schnitzelbangg ins Läbe gruefe hett.

Ändi Februar 2020, also kurz vor dr erschte Corona-Fasnacht, isch s'Schotte-Röggli in dr ADH z Prattele s erschti mool iber d Bühni gange.

Dr Röne mit ö hett vo Aafang aa (fascht) alli Rahmestiggli sälber gschriebe und gspielt. Das haisst pro Obe wächslet er sicher ca 10 mool sy Goschdym und styygt vo ainer Rolle in die näggscht.

Am s'Schotte-Röggli seht me nodyyrligg nit nur dr Röne mit ö sondern au immer zwische 8 und 12 Schnitzelbängg us dr Region, ai Gugge und e Duudelsaggformation.

Meh iber s'Schotte-Röggli gitts do: