dr Röne bringts uff Papier

Wo dr Röne mit ö mit 14 im 2016 aagfange hett mit Schnitzelbängg singe, hett er au aagfange mit Helge moole.

Will s ainzig wo dr Röne vo Computerzaichnete und usem Internet usdruggte Helge haltet, isch Abstand. Fir ihn isch glaar, e rächte Bangg hett gmoolti Helge! 

Dasch aber sy Mainig und sy Gschmäggli, wenns fir eper andersch isch, denn ischs hald so. Denn wie dr Röne allewyyl sait: "Gschmägger sinn verschiede und dasch au guet so, denn so wird alles gässe und alles ghyroote!"

Dr Röne mit ö moolt aber allerdings nit numme Helge fir Schnitzelbängg, sondern au zem aifach eso dyhaim uffzhängge. Au fir e Buurelaade in Biberist hett dr Röne scho deerfe Helge moole zem dr Laade z verscheenere und ihri verschiedene Produggt z repräsentiere. 

Zem d Helge moole, verwändet dr Röne verschiedeni Materialie.

Helge fir Schnitzelbängg moolt er z.B. vorwiegend mit Ecoline oder jenachdäm mit Acrylfaarbe. Jedoch macht er au sälte mol e Helge mit Ryssblei.

Do unde findisch ainigi Byspyyl vo syne gmoolte Helge:

Via Kontaggtformular kasch du im Röne mit ö e Aafroog schigge fir dys individuelle Ladäärnli, dyni exklusive Zoggeli oder dy persönligg Helge.

Dr Röne fait sich iber jedi Aafroog.