Blaggedde

Syt dr Röne mit ö aggtiv Fasnacht macht, verkauft er allewyyl vo dr Blaggeddevernisage bis zer Fasnacht am Samstig Morge vor dr Migros z Prattele d Prattler Fasnachtsblaggedde. Zem sich vo de andere Blaggeddeverkäufer abzheebe, macht dr Röne das au allewyyl im Goschdyym.

Dr Röne mit ö schittlet als dr Kopf wenn er im Facebook oder so gmoolti Blaggedde seet. S gfallt ihm hald aifach nit...

Doch irgendainisch isch e Kund zem Röne koo und hett gfrogt, ob er ihm e Blaggedde wurd aamoole. Jä guet... dr Kund isch Keenig und so lang dr Röne nur muess moole und nit dermit ummelaufe kaa me das jo mache.

So isch denn in dr Saison 24/25 dr Startschuss fir e wyteri Dienschtlaischtig vom Röne mit ö gfalle. 

Doch aifach eso die ganzi Blaggedde aamoole duet dr Röne mit ö denn aso scho nit!

Wenn er scho muess/darf/sott Blaggedde aamoole, macht er jedi Blaggedde zem Unikat. Kai Blaggedde wird aagmoolt wie e anderi und derzue wird jedi Blaggedde uff dr Ruggsytte nummeriert und signiert.

Bym bemoole isch im Röne mit ö aber au wichtig, ass nit die ganzi Blaggedde faarbig wird, sondern nur ainzelni Stelle, aifach zems dezänt z halte und us Respäggt im Blaggeddekinschtler gegiber.

Do seesch no e baar gmoolti Blaggedde vom Röne mit ö:

Via Kontaggtformular kasch du im Röne mit ö e Aafroog schigge fir dys individuelle Ladäärnli, dyni exklusive Zoggeli oder dy persönligg Helge.

Dr Röne fait sich iber jedi Aafroog.